रुपन्देही- प्रदेश ५ का मुख्यमन्त्री शंकर पोखरेलले सलह किराको नियन्त्रणका लागि विभिन्न ६ उपाय सुझाएका छन्।

नेपालमा सलह भित्रिएपछि किसान चिन्तित बनिरहेका बेला मुख्यमन्त्री पोखरेलले सामाजिक सञ्जालमा सलह नियन्त्रणका लागि ६ सुझाव दिएका हुन् । उनले सामाजिक सञ्जालमार्फत दिएको सुझाव यस्ता छन्-

१. हुललाई तितरबितर पार्ने – आगो बाल्ने, धुवाँ उडाउने आदि।

२. प्राकृतिक सिकारीको प्रयोग (हाँस, माकुरा, छेपारो आदि) हाँसले प्रतिदिन दुई सय जतिको संख्यामा किरा खान्छ।

३. ध्वनिको प्रयोग गर्ने (थाल ठटाउने, स्पिकर बजाउने आदि)

४. प्रजनन गर्न सक्ने ठाउँ नष्ट गर्ने,

५. किटनाशकको प्रयोग, जैविक समेराटाइजियम, रासायनिक मालाथिन, फेनिट्रोथिन, डाइजिनन र फिप्रोनिल, बोरिक एसिड आदि।

६. लसुन र पानीको घोल बनाएर छर्किनाले समेत यसको केही मात्रामा नियन्त्रण गर्न सकिन्छ।