काठमाडौं-  कोरोनाभाइरस महामारीका कारण दक्षिण अफ्रिकामा करिब एक लाख उद्योग व्यवसाय बन्द हुने अवस्थामा पुगेको अर्थशास्त्रीहरुले जनाएका छन् ।

कोरोना महामारीका कारण साना, मझौला तथा सुक्ष्म खालका गरी करिव एक लाख उद्योग व्यवसायहरू धराशायी अवस्थामा पुगेको उनीहरुले बताएका हुन् ।

दक्षिण अफ्रिकाका वरिष्ठ अर्थशास्त्री दावी रूड्टले महामारीका कारण दक्षिण अफ्रिकाका कम्तीमा २० लाख मानिस बेरोजगार हुने बताएका छन् । उनले कोरोना महामारीले दक्षिण अफ्रिकाको अर्थतन्त्रमा व्यापक प्रभाव परेको जनाएका छन् ।

दक्षिण अफ्रिकी अर्थतन्त्र पहिल्यैदेखि ओरालो लागेको अवस्थामा कोरोना महामारीले थप संकट सिर्जना गरेको उनले बताए ।

दक्षिण अफ्रिकाको साना व्यवसाय विकास विभागले पनि महामारीका कारण दशौँ हजार कम्पनीहरू बन्द हुने प्रक्षेपण गरेको छ ।