काठमाडौं-  ब्राजिलमा पछिल्लो २४ घण्टामा ४० हजार ६ सय ७३ जनामा कोरोना संक्रमण देखिएको छ ।

शुक्रबार विहान यो समाचार तयार पार्दासम्म ब्राजिलमा ५५ हजार ५४ जनाको कोरोनाको कारण ज्यान गएको छ ।

हालसम्म १२ लाख ३३ हजार १४७ जनामा कोरोना संक्रमण देखिएको र संक्रमितमध्ये ६ लाख ४९ हजार ९०८ जना कोरोना उपचारपछि निको भएर घर फर्किएका छन् ।

त्यस्तै बितेको २४ घण्टामा थप १ हजार १८० जनाको  कोरोनाले ज्यान गएको छ । संक्रमितमध्ये ८ हजार ३१८ जनाको अवस्था गम्भीर रहेको वर्ल्डओमिटरको तथ्यांकले देखाएको छ ।

विश्वव्यापी महामारीको रुपमा फैलिएको कोरोना भाइरस (कोभिड १९) को कारण यो समाचार तयार पार्दासम्म ४ लाख ९० हजार ९३३ जनाले ज्यान गुमाएका छन् ।

हालसम्म ९६ लाख ९९ हजार ५ सय ६२ जनामा कोरोना संक्रमण देखिएको छ । हालसम्म ५२ लाख ५१  हजार १०९ जना कोरोनाको सफल उपचारपछि निको भएर घर फर्किएका छन्  ।