काठमाडौं- साउदीमा अलपत्र परेका नेपालीहरुलाई प्राथमिकताका आधारमा आगामी आइतबार स्वदेश फर्काइने भएको छ ।

कोरोना महामारीका कारण अलपत्र नेपालीहरुलाई स्वदेश फर्काउन नेपाल एअरलाइन्सको विमानले जुन २१ गते साउदीको रियादबाट चार्टर्ड उडान भर्ने भएको छ ।

सो उडानमार्फत स्वदेश फर्कने प्राथमिकतामा ४४५ जना नेपाली रहेको साउदीस्थित नेपाली दूतावासले जनाएको छ ।

स्वदेश फर्किनेहरुलाई कोरोना परीक्षणको रिपोर्ट अनिवार्य गरेको छ । रिपोर्ट नेगेटिभ आएकाहरुलाई मात्र फर्काइने दूतावासले जनाएको छ ।

दूतावासले एक सूचना जारी गर्दै रियादमा आफूलाई पायक पर्ने ठाउँमा गएर पनि कोरोनाको जाँच गर्न सकिने जनाएको छ ।

रियादबाट काठमाण्डौ आउनका लागि ४६५ अमेरिकी डलर अर्थात १७४४ साउदी रियाल तोकिएको छ ।

टिकट खर्च स्वयं व्यक्तिले नै व्यहोर्नुपर्ने छ । स्वदेश फर्कने यात्रु चार घण्टाअघि नै विमानस्थल पुग्नुपर्ने दूतावासले जनाएको छ ।

यस्तो छ प्राथमिकतामा परेकाहरुको सूची