रुपन्देही– विप्लव नेतृत्वको नेकपाले प्रयोग गर्दै आएको बुटवलको रातोघर भन्ने राष्ट्रिय बाणिज्य बैंकको भवनमा डोजर लगाइएको छ ।

बिप्लव नेतृत्वको नेकपाले कब्जा गरी कार्यालयका रुपमा प्रयोग गरेको सो राष्ट्रिय बाणिज्य बैंकको भवनबाट पार्टीका झण्डा र ब्यानरहरु हटाई डोजर लगाइएको हो ।

जनयुद्ध पश्चात तत्कालीन नेकपा माओवादीले कब्जा गरेर कार्यालयका रुपमा प्रयोग गरेको सो भवन पार्टी फुटेपछि बैद्य समुह हुँदै पछिल्लो समय विप्लव नेतृत्वको नेकपाले कब्जा गरेको थियो ।

प्रहरी प्रशासनको सहयोगमा बाणिज्य बैंकले आफ्नो जग्गा फिर्ता लिने क्रममा पार्टीको झण्डा तथा ब्यानरहरु हटाई डोजर लगाएको हो ।

राष्ट्रिय बाणिज्य बैंक श्रोतले बताए अनुसार सो भवनमा जनयुद्ध कालमा बम बिष्फोट गराई क्षति पुर्‍याइएको थियो । त्यसपछि  विप्लव नेकपाले कार्यालय सञ्चालन गर्दै आइरहेकोमा अब बैंकले प्रादेशिक कार्यालय बनाउने छ ।