काठमाडौँ –  चार्टर उडानमा भएको भनिएको अनियमितताबारे सरकारले छानबिन प्रकिया अघि बढाएको छ ।

संस्कृति, पर्यटन तथा नागरिक उड्डयन मन्त्रालयले बुधबार मन्त्रालयका सहसचिव सुरेश आचार्यको संयोजकत्वमा नागरिक उड्डयन प्राधिकरण र पर्यटन विभागका प्रतिनिधि सदस्य रहेको छानबिन समिति गठन गरेको हो ।

उक्त समितिले लकडाउनयता भएका चार्टर उडानमा ट्राभल एजेन्सीले प्रतियात्रु बिक्री गरेका टिकटको विवरण संकलन गरी एक हप्ताभित्र प्रतिबदेन बुझाउनेछ ।

टिकट संकलन र अध्ययनपछि रिफ्रेन्स दरभन्दा बढी रकम लिने ट्राभल एजेन्सीलाई कानूनी कारबाही गर्ने मन्त्रालयले तयारी गरेको छ ।

सरकारले चैत ९ गतेपछि व्यावसायिक अन्तर्राष्ट्रिय उडान रोकेपछि भएका ५५ वटा चार्टर उडानका नाममा तेब्बरसम्म भाडा असुली भएको गुनासो सार्वजनिक भएको थियो ।