काठमाडौं- चलचित्र विकास बोर्डको अध्यक्षमा केही दिन अगाडि नियुक्त भएका निर्देशक दयाराम दाहालले आज पदभार ग्रहण गरेका छन् ।
चलचित्र विकास बोर्डको कार्यलय चावहिलमा पुगेर उनले पदभार ग्रहण गरेका हुन् । उनलाई चलचित्र विकास बोर्डका कर्मचारीहरुले स्वागत गरेका थिए ।
सरकारबाट बोर्ड अध्यक्ष पदको नियुक्ति लिएसँगै उनी पदभार ग्रहण गर्न सोमबार बोर्ड पुगेका हुन।
पदभार ग्रहण गर्दै उनले भने–‘सबैले सहयोग गर्नुहोला । चलचित्र क्षेत्रको विकासका लागि सबैको साथ र सहयोगको खाँचो छ।’
चलचित्र विकास बोर्डको अध्यक्ष पद विगत ६ महिनादेखि रिक्त थियो ।
प्रतिक्रिया