काठमाडौं- वातावरण पत्रकारिता पुरस्कार नेपाल साप्ताहिकका सम्वाददाता यम बमलाई प्रदान गरिने भएको छ।
नेपाल वातावरण पत्रकार समूह (नेवापस) ले ‘विश्व वातावरण दिवस-जून ५’ को अवसर पारेर उनलाई पुरस्कार प्रदान प्रदान गर्ने निर्णय गरेको हो ।
पुरस्कार स्वरुप उनलाई २५ हजार रुपैयाँ र प्रमाण–पत्र प्रदान गरिने छ। वातावरण पत्रकार समुहले विगत तीन दशकदेखि सो पुरस्कार प्रदान गर्दै आएको छ ।
वातावरण र दिगो विकासका विषयमा पत्रपत्रिका, रेडियो, टेलिभिजन तथा अनलाईनमा प्रकाशित–प्रसारित सामग्री र कार्यक्रमहरु मध्येबाट छनौट गरी विषयगत विविधता, तथ्य–तथ्याङ्क, भाषा, जनसरोकार र मौलिकताका आधारमा मूल्याङ्कन गरी समूहले सो पुरस्कार प्रदान गर्ने गरेको छ ।
प्रतिक्रिया