काठमाडौं – चीनमा वुहान सेन्ट्रल अस्पतालका अर्का एक चिकित्सकको पनि कोरोना भाइरसको संक्रमणबाट मृत्यु भएको छ ।
चीनको वुहान सेन्ट्रल अस्पतालमा युरोलोजिस्टको रुपमा काम गरिरहेका डाक्टर हू विफेन्गको मृत्यु भएको हो । योसँगै उक्त अस्पतालका मात्रै ६ जना चिकित्सकको मृत्यु भएको हो ।
४ महिनादेखि कोरोनाबाट संक्रमित उनको मंगलबार मृत्यु भएको हो । एउटै अस्पतालका ६ जनासम्म चिकित्सको मृत्यु भएपछि सर्वसाधारणले त्यहाँको प्रशासनको आलोचना गरिरहेका छन् ।
गत वर्ष डिसेम्बरमा कोरोनाबारे पहिलो पटक चेतावनी दिने डाक्टर ली वेनलियान्ग पनि काम गर्दथे । कोरोनाबारे चेतावनी दिँदा प्रशासनले ली वेनलियान्गलाई भाइरसको संक्रमणबारे नबोल्न चेतावनी दिएको थियो ।
प्रतिक्रिया