काठमाडौं – लाखौं नेपालीहरु कार्यरत खाडीका ६ मुलुकमा कोरोना भाइरसले १ हजार १२० जनाको मृत्यु भएको छ भने २ लाख ३२ हजार ६२३ जना संक्रमित भएका छन् ।

खाडीका ६ राष्ट्रमध्ये साउदी अरवमा अहिलेसम्म सबैभन्दा धेरै ५२५ जनाको मृत्यु भएको छ । त्यहाँ ८७ हजार १४२ जना संक्रमित भएका छन् ।

यस्तै यूएईमा २६६ जनाको मृत्यु भएको छ भने ३५ हजार १९२ जना संक्रमित भएका छन् । कोरोना भाइरसको संक्रमणले कुवेतमा २२० जनाको मृत्यु भएको छ भने २७ हजार ७६२ जना संक्रमित भएका छन् ।

यस्तै ओमानमा ५० जनाको मृत्यु भएको छ भने १२ हजार २२३ जना संक्रमित भएका छन् । कोरोना भाइरसको संक्रमणले कतारमा ४० जनाको मृत्यु भएको छ भने ५८ हजार ४३३ जना संक्रमित भएका छन् ।

कोरोना भाइरसको संक्रमणले बहराइनमा १९ जनाको मृत्यु भएको छ । त्यहाँ ११ हजार ८७१ जना संक्रमित भएका छन् ।

बैदेशिक रोजगारीमा रहेका लाखौं नेपालीहरु रहेका खाडी मुलुकमा संक्रमण बढ्दै जादा उनीहरु चिन्तित हुन थालेका छन् ।