काठमाडौं । आगामी आर्थिक वर्ष २०७७/०७८ को बजेटमाथि संघीय संसदमा आजदेखि छलफल सुरु भएको छ ।

दुबै सदनमा अर्थमन्त्री डाक्टर युवराज खतिवडाले बजेटमाथिको सैद्धान्तिक छलफल सुरु गर्न प्रस्ताव गरेका थिए ।

बजेटको सैद्धान्तिक छलफलमा भाग लिँदै नेकपा सांसद तथा पूर्वअर्थमन्त्री सुरेन्द्र पाण्डेले बजेटको आकार सन्तुलित रहेको बताए ।

उनले कार्यान्वयनमा भने समस्या रहेको बताए । उनले भने,‘चालू आर्थिक वर्षमा पूँजीगत खर्चका लागि विनियोजन भएको रकममध्ये २८ प्रतिशतमात्रै खर्च भएको छ । त्यो दयनिय अबस्था हो । सरकारले आगामी आर्थिक वर्षमा सरकार गम्भिर बन्नुपर्छ ।’

सांसद पाण्डेले चालू खर्च धान्नका लागि राजश्वले नपुग्ने अबस्था देखिएको भन्दै चालू खर्च घटाउने सरकारी प्रयास राम्रो रहेको बताए । उनले ऋण लिएर चालू खर्च चलाउने अबस्था बन्न नहुने समेत बताए ।