काभ्रे- काभ्रेको बनेपा र पनौतीमा भीषण वर्षासँगै बाढी आएको छ । यो ८० वर्ष यताकै सबैभन्दा ठूलो रहेको पूर्व सूचना तथा सञ्चारमन्त्री गोकुलप्रसाद बाँस्कोटाले बताएका छन् ।

उनले सामाजिक सञ्जाल फेसबुकमा स्टाटस लेख्दै भीषण वर्षा र बाढी आएको उल्लेख गरेका छन् ।

बाँस्कोटाले लेखेका छन्, ‘पनौती र बनेपामा ८० वर्ष यताकै भीषण वर्षा र बाढी । सयौ रोपनीमा लगाईएको खेती र जमीन ध्वस्त । तीनपुल बगायो । करोडौंको भौतिक क्षति । तीनजना नागरिक रोशीको बाढीमा फसेका छन । उद्दार कार्य जारी । राति भएकाले हेलिकोप्टर जान सकेन । बाढीमा फसेकाको जीवन रक्षामा स्थानीय प्रशासनसँगै काम गरौं।’

बाँस्कोटाले रोशी खोलामा आएको बाढीमा परी ३ जना फसेको उनले बताएका छन् । उनले बाढीमा फसेकाको जीवन रक्षा गर्न प्रशासनलाई आग्रह पनि गरेका छन् ।