काठमाडौं – प्रतिनिधि सभाको बैठकमा सरकारले आर्थिक सर्वेक्षण प्रस्तुत गर्ने भएको छ ।
दिउँसो १ बजे बस्ने बैठकमा सरकारका तर्फबाट अर्थमन्त्री डा. युवराज खतिवडाले आर्थिक वर्ष २०७६/७७ को आर्थिक सर्वेक्षण प्रस्तुत गर्ने कार्यसूची तय भएको संसद सचिवालयले जनाएको छ ।
आजकै बैठकमा संविधान संशोधन विधेयकका विषयमा छलफल हुने बताइए पनि अहिलेसम्म कार्यसूचिमा नराखिएकाले त्यसबारे छलफल हुने सम्भावना कम रहेको बताइएको छ ।
सरकारले लिम्पियाधुरा, कालापानी, लिपुलेकलगायतका भूभाग समेटिएको नेपालको नयाँ नक्सा जारी गरेपछि यही जेठ ९ गते ३ बजे संसद सचिवालयमा संविधान संशोधन विधेयक दर्ता गरेको थियो ।
प्रतिक्रिया