मुम्बई – अमेरिकाबाट प्रकाशित ओके नामक म्यागजिनले बलिउड अभिनेत्री प्रियंका चोपडा र हलिउड अभिनेता तथा गायक निक जोनसको सम्बन्धमा दरार आएको समाचार लेखेको छ । समाचारका अनुसार तीन महिनाअघि मात्र बिहे गरेका निक–प्रियंकाले डिभोर्स गर्ने तयारीमा छन् ।

उक्त म्यागेजिनले लेखेको छ, ‘उनीहरुबीच छोटो समयमा नै एकअर्काप्रति वितृष्णा उत्पन्न भएको छ, दुवै डिभोर्स गर्ने सहमतिमा पुगिसकेका छन् ।’

निक जोनस र प्रिंयका चोपडाले तीन महिनाअघि धुमधाम बिहे गरेका थिए । प्रियंकाभन्दा १० वर्ष कान्छा जोनस व्यवहारिक भएको तर प्रियंका भने ‘केटाकेटी’जस्तो भएको समाचारले लेखेको छ ।

समाचारमा उल्लेख छ, ‘उनीहरु हरेक विषयमा झगडा गरिरहेका हुन्छन्, उनीहरुले हतारमा बिहेको निर्णय लिइरहेका थिए, अहिले पछुताइरहेका छन्, दुवैको वैवाहिक सम्बन्ध एउटा परालको त्यान्द्रोमा अल्झिएको छ ।’

समाचारलाई आधार मान्ने हो भने निकको परिवारले पनि प्रियंकालाई छिटो सम्बन्ध तोड्न दबाब दिइरहेको छ । समाचारका अनुसार निकले बिहेअघि प्रियंकालाई सरल र कुल केटीका रुपमा लिएका थिए । तर, अहिले व्यवहार बदलिएको छ । प्रियंकाले निकलाई आफ्नो नियन्त्रणमा राख्न खोजिरहेकी छिन् ।

यो जोडीले हिन्दू र क्रिस्चियन धर्म अनुसरण गर्दै दुवै धर्मअनुसार बिहे गरेका थिए । समाचारलाई ओके म्यागजिनले आफ्नो कभर स्टोरी बनाएर छापेको छ ।

प्रियंकाको परिवारले भने समाचारलाई हावादारी भएको टिप्पणी गरेको छ ।