काठमाडौं – बंगालको खाडीमा बनेको अंपुन नामको आँधी अर्थात् चक्रवातका कारण अहिले मुलुकका बिभिन्न स्थानमा वर्षा भइरहेको जल तथा मौसम पूर्वानुमान महाशाखाले जनाएको छ ।

यो क्रम आजदेखि तीन दिनसम्म जारी रहनेछ । महाशाखाका अनुसार हाल देशको  सुदूरपश्चिम प्रदेश, कर्णाली प्रदेशका सबै भू-भाग लगायत प्रदेश नं ५ को केहि स्थानहरुमा  मौसम सामान्यतया सफा रहेको छ भने बांकी सबै भू -भागमा सामान्य बदली रहि थोरै स्थानहरुमा वर्षा भइरहेको छ ।

आज दिउसो पूर्वी    भू-भागका   धेरै स्थानहरु,  मध्य भू-भागका   केही  स्थानहरुमा  र पश्चिमी भू-भागका   थोरै स्थानहरुमा मेघगर्जन/चट्याङ   सहित  हल्का  देखि मध्ययम वर्षाको  सम्भावना रहेको महाशाखाले जनाएको छ ।

यस्तै पुर्वी तथा मध्य उच्च हिमाली  भू-भागका केही स्थानहरुका साथै पश्चिमी  उच्च हिमाली भू-भागका थोरै स्थानहरुमा हल्का देखि मध्ययम हिमपातको समेत संभावना रहेको महाशाखाले जारी गरेको मौसम पूर्वानुमान बुलेटिनमा उल्लेख छ।