अफगानिस्तान– अफगानिस्तानका दुई प्रान्तमा इस्लामिक लडाकु समूह तालिबानले गरेको अक्रमणमा कम्तीमा १४ प्रहरी सहित २४ जनाको ज्यान गएको छ ।

तालिबानले गजनी प्रान्तको प्रान्तीय राजधानी नजिकै रहेको प्रहरी सुरक्षा जाँच चौकीलाई लक्षित गरी गराएको आक्रमणमा जिल्ला प्रहरी प्रमुख सहित ९ प्रहरीको मृत्यु भएको हो । आक्रमणमा अरु ६ प्रहरी घाइते भएका छन् । सुरक्षाकर्मीको जवाफी कारवाहीमा तालिबानका केही लडाकु समेत मारिएको अधिकारीले जनाएका छन् ।

त्यस्तै तालिबानले मुलुककै अर्को बदखसान प्रान्तमा पनि आक्रमण गरेको र त्यहाँ ५ प्रहरीको ज्यान गएको बताइएको छ । त्यही आक्रमणमा अरु २ स्थानीय र ८ जना तालिबान लडाकु मारिएका छन् । आक्रमणबारे तालिबानले कुनै टिप्पणी गरेको छैन ।