काठमाडौं- पूर्वमन्त्री एवम् नेपाली कांग्रेसका सांसद गगन थापाले सरकारले ल्याएको नीति तथा कार्यक्रममाथि व्यंग्य गर्दै अब ढुक्क भएको बताएका छन् ।

सरकारले शुक्रवार आगामी आर्थिक वर्षको लागि ल्याएको नीति तथा कार्यक्रममा कोरोना सम्बन्धि उल्लेख नगरिएको भन्दै नेपालमा कोरोनाले प्रभाव नदेखिएको भन्दै व्यंग्य गरेका छन् ।

उनले सामाजिक सञ्जाल फेसबुकमा लेखेका छन्- “नीति तथा कार्यक्रम आउनु अगाडि डराएको थिए अब ढुक्क भएँ । कोरोनाले नेपालमा खासै प्रभाव नै पारेको रहेनछ । ”

साथै ढुकुटी पनि दह्रै भएको, साधन स्रोत प्रशस्त भएको, ठिकठाक मात्र नभएर यो वर्ष चमत्कार हुने भन्दै नीति तथा कार्यक्रम प्रति असन्तुष्टी जनाएका छन् ।

सरकारले प्रस्तुत गरेका नीति तथा कार्यक्रम भनिएका कुरामा असन्तुष्टि जनाउँदै थापाले देश प्रदेशमा भएका कोही पनि आत्तिनुपर्ने अवस्था नरहेको भन्दै व्यंग्य गर्दै सरकारलाई धन्यबाद समेत दिएका छन् ।

“देश परदेश मा भएको कोही पनि आतिनु पर्ने रहेनछ । सरकार त पाएकै हो । धन्यवाद मेरो सरकार ।’