काठमाडौं– कोरोना भाइरसको संक्रमण रोक्न जारी भएको लकडाउन पछि पहिलो पटक मंगलबार खुलेको शेयर बजारमा तीव्र गिरावट आएको छ ।

कोरोबार शुरु भएको १ घण्टा नपुग्दै २.०२ प्रतिशतले ओरालो लागेपछि शेयर बजारमा सर्किट ब्रेक लागेको छ ।

मंगलबार खुलेको १ घण्टामै शेयर बजार कूल २५.३० अंकले १२२६.१५ विन्दुमा पुग्यो । यस्तै, क बर्गका कम्पनीहरुको कारोबार मापन गर्ने सेन्सिभिट इन्डेक्स ५.३९ अंकले घटेको छ ।

मंगलबार कारोबार शुरु हुँदै गर्दा शेयर बजारका सबै समूहका सूचकाङ्ककहरु आरोलो लागेका छन् । सबैभन्दा बढी अन्य समूहको सुचकाङ्क २.८६ प्रतिशत, बैंकिङ समूहको सूचकाङ्क २.३९ प्रतिशत, जीवन बिमा २.३२ प्रतिशतले आरालो लागेको छ ।

मंगलबार १ घण्टाको अवधिमा १० करोड ४३ लाख रुपैयाँ बराबरको १ लाख ६ हजार ३ सय १२ कित्ता शेयर किनबेच भएका छन् ।