काठमाडौं– चीनले नेपाल सरकारलाई अनुदानमा दिएको कोरोनाभाइरस परीक्षण तथा रोकथामका लागि आवश्यक स्वास्थ्य सामग्री काठमाडौं आइपुगेको छ ।
पहिलो खेपअन्तर्गत हिमालयन एयरलाइन्सको जहाजबाट शनिबार ती स्वास्थ्य सामग्री काठमाडौं पुर्याइएको हो ।
नेपालका लागि चिनियाँ राजदूत हाउ यान्छीले शनिबार ट्वीट गर्दै चीनबाट टेस्टिङ किट, एन ९५ मास्क, सर्जिकल मास्क, डिस्पोजेवल कोभरअल्स, मेडिकल गगल्स नेपाल आइपुगेको जानकारी दिएकी छन् ।
चीनले के–कस्ता सामग्री उपलब्ध गराएको हो भन्ने बारे भने केही खुलाइएको छैन । यसअघि गत चैत १६ गते पनि चीन सरकारको सहयोगमा केही स्वास्थ्य सामग्री नेपाल ल्याइएको थियो ।
प्रतिक्रिया