काठमाडौं- सत्तारुढ नेपाल कम्युनिष्ट पार्टी (नेकपा) का प्रवक्ता नारायणकाजी श्रेष्ठले नेपालको भूमि लिपुलेक क्षेत्रमा भारतले सडकको उद्घाटना गरेकोबारे तत्काल कदम चाल्न सरकारसँग आग्रह गरेका छन् ।

उनले भारतको यो कदमप्रति घोर आपत्ती जनाउँदै सरकारले तत्काल कदम चाल्नुपर्ने बताएका हुन् ।

सामाजिक सञ्जाल ट्वीटरमार्फत आफ्नो धारणा सार्वजनिक गर्दै श्रेष्ठले लेखेका छन्, ‘भारतले अनधिकृतरुपमा कब्जा गरेको र आफैले समेत विवादित भनी स्विकार गरेको पश्चिम सिमाक्षेत्रको नेपाली भुमीमा सडक बनाई हिजो उद्घाटन गरेको कार्यप्रति घोर आपत्ति प्रकट गर्दै भर्त्सना गर्दछु।हामी सबै कोरोना बिरुध्द लडिरहेको अवस्थामा गरिएको यो अतिक्रमणको बिरुध्द सरकारले तु कदम चालोस् ।’

भारतले अनधिकृतरुपमा कब्जा गरेको र आफैले समेत विवादित भनी स्विकार गरेको पश्चिम सिमाक्षेत्रको नेपाली भुमीमा सडक बनाई हिजो उद्घाटन गरेको कार्यप्रति घोर आपत्ति प्रकट गर्दै भर्त्सना गर्दछु।हामी सबै कोरोना बिरुध्द लडिरहेको अवस्थामा गरिएको यो अतिक्रमणको बिरुध्द सरकारले तु कदम चालोस् ।

— NKShresthaPrakash (@nksthaprakash) May 9, 2020

सबैजना कोरोनाविरुद्ध लडिरहेको मौका छोपेर गरिएको यो अतिक्रमणको विरुद्ध सरकारले तुरुन्त कमद चाल्नुपर्ने उनको भनाई छ ।

लिपुलेक जोडिने क्षेत्र भारतले अतिक्रमण गर्दै कैलाश मानसरोवर यात्राका लागि नयाँ बाटो खुलाएको छ । भारतका रक्षामन्त्री राजनाथ सिंहले भिडियो कन्फरेन्समार्फत उक्त सडकको उद्घाटन गरेका छन् ,