काठमाडौं– विश्वव्यापी महामारीको रुपमा फैलिएको कोरोना भाइरसको संक्रमणका कारण ब्राजिलमा ज्यान गुमाउनेको संख्या ८ हजार ५६६ पुगेको छ ।
पछिल्लो २४ घण्टामा थप ६४५ जनाको मृत्यु भएसँगै ज्यान गुमाउनेको संख्या ब्राजिलमा ८ हजार ५६६ पुगेको हो । एकैदिन थप ११ हजार ४३३ जनामा कोरोनाको संक्रमण देखिएसँगै संक्रमित हुनेको संख्या १ लाख २६ हजार १४८ पुगेको छ ।
ब्राजिलमा कोरोना संक्रमितमध्ये ५१ हजार ३७० जना उपचारपछि निको भएका छन् । ६६ हजार २१२ जनाको विभिन्न अस्पतालमा उपचार भइरहेको छ । उनीहरुमध्ये ८ हजार ३१८ जनाको अवस्था गम्भीर रहेको छ ।
प्रतिक्रिया