काठमाडौं –  युरोपियन कमिसनले खोप निर्माणका लागि खडा गरेको कोषमा अमेरिका र रुस बाहेकका ३० मुलुकले सहयोगको घोषणा गरेका छन् ।

विभिन्न ३० मुलुकले गरेको घोषित रकम अनुसार कोषमा आठ अर्ब अमेरिकी डलर जुट्ने भएको छ ।

फ्रान्स, जर्मनी र साउदी अरेबियाले ५०० मिलियन युरो दिने प्रतिबद्धता जनाएका छन् भने जापानले ८०० मिलियन अमेरिकी डलर भन्दा बढी सहयोग गर्ने प्रतिबद्धता जनाएको छ ।

कोरोना भाइरसको खोप निर्माणका लागि आवश्यक बजेट जुटाउन युरोपियन कमिसजनले आयोजना गरेको अनलाइन सम्मेलनमा सह्रिक भएका विभिन्न ३० मुलुकले सहयोग गर्ने प्रतिबद्धता जनाए पनि उक्त सम्मेलनमा अमेरिका र रुस सह्रिक भएनन् ।

सम्मेलनमा कोरोना भाइरसको संक्रमण सुरु भएको मुलक चीनबाट युरोपियन युनियनका लागि चिनियाँ राजदूतले भाग लिएका थिए ।

सम्मेलनबाट संकलन भएको मध्ये चार अर्ब ४० करोड अमेरिकी डलर खोप निर्माणका लागि खर्च गरिने छ । बाँकी रकम भने खोपको परीक्षणका लागि छुट्याइएको इयूले जनाएको छ ।