काठमाडौं – लाखौं नेपालीहरु कार्यरत खाडीका ६ मुलुकमा कोरोना भाइरसले ३८० जनाको मृत्यु भएको छ भने ६७ हजार ६५९ जना संक्रमित भएका छन् ।

खाडीका ६ राष्ट्रमध्ये साउदी अरवमा अहिलेसम्म सबैभन्दा धेरै १८४ जनाको मृत्यु भएको छ । त्यहाँ २७ हजार ११ जना संक्रमित भएका छन् ।

यस्तै यूएईमा १२६ जनाको मृत्यु भएको छ भने १४ हजार १६३ जना संक्रमित भएका छन् । कोरोना भाइरसको संक्रमणले कुवेतमा ३८ जनाको मृत्यु भएको छ भने ४ हजार ९८३ जना संक्रमित भएका छन् ।

यस्तै कतार र ओमानमा १२/१२ जनाको मृत्यु भएको छ । ती देशहरुमा क्रमश १५ हजार ५५१ र २ हजार ५६८ संक्रमित भएका छन् ।

कोरोना भाइरसको संक्रमणले बहराइनमा ८ जनाको मृत्यु भएको छ । त्यहाँ ३ हजार ३८३ जना संक्रमित भएका छन् ।

बैदेशिक रोजगारीमा रहेका लाखौं नेपालीहरु रहेका खाडी मुलुकमा संक्रमण बढ्दै जादा उनीहरु चिन्तित हुन थालेका छन् ।