सूर्यविनायक– कोरोना भाइरसको संक्रमण रोक्न जारी गरिएको लकडाउनको मौका छोपेर पछिल्लो समय शहरी क्षेत्रमा चोरीका घटना बढ्दै गएका छन् ।

मंगलबार राति मात्रै भक्तपुरको सूर्यविनायक नगरपालिका-९ भातेढिकुरमा एउटा रेस्टुरेन्टमा चोरी भएको छ । प्रहरीका अनुसार स्थानीय दिनेश बस्नेतको रुवोसा रेस्टुरेन्ट एण्ड रिसोर्टबाट करिब ४ लाख २ हजार रुपैयाँ बराबरको धनमाल चोरी भएको छ ।

उक्त रिसोर्टबाट टीभी १ थान, म्युजिक सिस्टम १ थान, ल्यापटप १ थान, क्यामेरा मनिटर १ थान, चरेसको प्लेट, थाल र कचौरा ७२ थान लयातका सामानहरु गरी उक्त रकम बराबरको धनमाल चोरी भएको हो ।

महानगरीय प्रहरी परिसर भक्तपुरले चोरीमा संलग्न व्यक्तिहरुको खोजी गर्नुका साथै यस सम्बन्धमा आवश्यक अनुसन्धान भइरहेको जनाएको छ ।