काठमाडौं– नारायणी अस्पताल वीरगञ्जमा उपचारत ४ जना कोरोना संक्रमित निको भएका छन् ।

अस्पतालमा कोरोनाका बिरामीको उपचारमा खटिएका डाक्टर उदय नारायण सिंहका अनुसार चैत ३० गते र बैशाख २ गते भर्ना भएका ४ जना कोरोना संक्रमित उपचारपछि निको भएका हुन् ।

डा सिंहका अनुसार विरगञ्जको स्थानीय मस्जिदमा रहेका ३ जना भारतीय नागरिक र बैशाख २ गते भर्ना भएका रौतहटका एक युवामा कोरोना संक्रमण निको भएको हो ।

चैत ३० गते भर्ना भएका क्रमश ३४,४४ र ५५ वर्षका भारतीय नागरिक निको भएको र रौतहटका १९ वर्षीया युवामा कोरोनाको पछिल्लो दुई पटकको रिपोर्ट नेगेटिभ आएको हो ।

उनीहरुको थ्रोड स्वाब संकलन गरी राष्ट्रिय जनस्वास्थ्य प्रयोगशालामा पठाइएको रिपोर्ट नगेटिभ आएपछि अस्पतालले ४ जनालाई नै भोलि (आइतबार) अस्पतालबाट डिस्चार्ज गर्ने तयारी गरेको छ ।

अस्पतालका डा सिंहका अनुसार ३ जना भारतीय नागरिकलाई नेपालस्थित भारतीय दूतावासको सहयोगमा केही समयमा विरगञ्जकै क्वारेन्टाइनमा राखिने छ ।