एजेन्सी– एकताका अफ्रिकी राज्यहरुमा चिनियाँ ऋण लिएर विशाल आयोजनाहरु निर्माण गर्ने ‘ट्रेण्ड’नै चलेको थियो । तर अफ्रिकी अर्थविद्हरुले ती विशाल आयोजनाले अपेक्षा गरेको जस्तै कमाउन नसक्ने निक्र्यौल निकालेपछि ती राज्यहरुले चीनको शर्तमा ऋण तिर्न असम्भव रहेको निश्कर्षमा पुगेका छन् ।

चिनियाँ ऋणले राज्यलाई भन्दा सम्झौताका क्रममा कमिशन खाएका केही राजनीतिज्ञ तथा उच्च पदस्थ कर्मचारीहरुलाई मात्र फाईदा पुग्ने भएपछि अफ्रिकी समाजिक अगुवाहरुले पनि त्यसको विरोध गर्न थाले ।

त्यसमाथि ऋण तिर्न नसक्दा चीनले ती आयोजना कब्जामा लिने सम्झौता उजागर भएपछि जनस्तरबाटै विरोधका आवाज उठ्न थाले ।

त्यहीँ बुझेर तान्जेनियाले भर्खरै चीनसँगको ऋण सम्भौता खारेज गरेको छ । चीनको प्रस्ताव जड्याहाँले मात्र स्वीकार गर्न सक्ने टिप्पणी गर्दै तान्जेनियाका राष्ट्रपति मागुफुलिले सम्झौता खारेज गरेका हुन् ।

यसअघिको सरकारले चीनसँग एक वन्दरगाह निर्माण गर्न १० विलियन अमेरिकी डलर ऋण लिने सम्झौता गरेको थियो । सम्झौतामा ऋण असुल गर्न बन्दरगाह चीनले ९९ बर्षसम्म निर्वाद्ध प्रयोग गर्न पाउने शर्त राखिएको थियो ।

मागुफुलिको सत्ता आएपछि ९९ बर्षको सभ्झौतालाई घटाएर तान्जानियाले ३३ बर्ष बनाउन चीनसमक्ष प्रस्ताव राख्यो । चीनले तान्जेनियाको प्रस्ताव नमानेपछि मागुफुलिले अन्ततः सो १० विलियन अमेरिकी डलरको ऋण सम्झौता खारेज गरेका हुन् ।