काठमाडौं- भक्तपुरको कौशलटारमा आज अपराह्न भएको मोटरसाइकल दुर्घटनामा एक जनाको मृत्यु भएको छ ।
भक्तपुरबाट काठमाडौं आउँदै गरेको मोटरसाइकल कौशलटारमा दुर्घटना हुँदा मध्यपुर ठिमी नगरपालिका-५ भुलाङखेलका ३० वर्षीय अजय श्रेष्ठको मृत्यु भएको प्रहरीले जनाएको हो ।
बा ३९ प ५७४१ नम्बरको मोटरसाइकल बिहीबार साँझ करिब साढे पाँच बजे अनियन्त्रित भई सडकको रेलिङमा ठोक्किँएर दुर्घटना भएको प्रहरीले जनाएको छ ।
दुर्घटनामा घाइते भएका उनको मध्यपुर अस्पताल ठिमी अस्पतालमा उपचारको क्रममा मृत्यु भएको महानगरीय प्रहरी परिसर भक्तपुरका डीएसपी दीपक गिरीले जानकारी दिए ।
प्रतिक्रिया