एजेन्सी- कोरोना भाइरसको संक्रमण सम्बन्धी आफ्नो एक टिप्पणीमा इन्टर मिलानका स्ट्राइकर रामेलु लुकाकुले माफी मागेका छन् ।
उनले गएको जनवरीमा इन्टर मिलानका २५ मध्ये २३ खेलाडीमा कोरोना भाइरसको लक्षण रहेको बताएका थिए ।
लुकाकुले बेल्जियमको टेलिभिजनलाई दिएको इन्टाग्राम लाइम अन्तर्वार्ताको क्रममा मंगलबार यस्तो बताएका हुन् । इन्टर मिलानले जनवरीका सबै खेलहरु बिना कुनै अवरोध सम्पन्न गरेको थियो ।
लुकाकुको यस्तो टिप्पणीपछि इन्टर मिलानले उनलाई गम्भीर रुपमा सचेत गराएको बुझिएको अन्तर्राष्ट्रिय सञ्चार माध्यमले बताएका छन् । त्यसपछि उनले आफ्नो टिप्पणीप्रति माफी मागेका हुन्। उनले माफी मागेसँगै यो विषय अन्त्य भएको ठानिएको छ ।
प्रतिक्रिया