काठमाडौं– प्रधानमन्त्री केपी शर्मा ओलीले विदेशमा रहेका विद्यार्थी र विभिन्न पेशामा संलग्न नेपालीको अवस्थाबारे बुझ्ने क्रममा बुधबार साइप्रसका राष्ट्रपति निकोस अनानस्टासियादेससँग टेलिफोन संवाद गरेका छन् ।

सो क्रममा प्रधानमन्त्री ओलीले त्यहाँका नेपालीका बारेमा चासो राखेका थिए । जवाफमा राष्ट्रपति निकोसले उपयुक्त हेरविचार भइरहेको र कुनै अप्ठेरो पर्न नदिने प्रतिबद्धता जनाएका प्रधानमन्त्री ओलीका प्रेस सल्लाहकार सूर्य थापाले जानकारी दिए ।

कोरोना भाइरसको संक्रमण रोक्न गरिएको लकडाउनका कारण त्यहाँ अलपत्र परेका नेपालीको अवस्था र उनीहरुको व्यवस्थापनका लागि गरिएको प्रयासबारे बुझ्न प्रधानमन्त्री ओलीले विभिन्न देशका राष्ट्रप्रमुख तथा सरकार प्रमुखहरुसँग टेलिफोन मार्फत वार्ता गर्दै आएका छन् ।