काठमाडौं – नायिका वर्षा शिवाकोटीका नामका टिकटक र ट्वीटर खाता भेटिन्छन् । कतिपय खातामा अपडेट पनि भइरहेको हुन्छ । जसकारण फ्यान झुक्किन्छन् । वर्षालाई भने फेक खाताले तनाव दिएको छ ।

यसैबीच वर्षाले टिकटक र ट्वीटरमा कुनै पनि आधिकारिक खाता नभएको बताएकी छिन् । उनी भन्छिन्, ‘ट्वीटर र टिकटकमा कतै पनि मेरो आधिकारिक खाता छैन ।’

फ्यान झुक्किएपछि वर्षा यी खाताविरुद्ध उजुरी गर्ने चेतावनी समेत दिएकी छिन् । लकडाउन खुलेपछि यी फेक खाताविरुद्ध ‘एक्सन’ लिइने उनले बताएकी छिन् ।

‘फेक आइडीबाट पोस्ट गरेर कसैलाई बदनाम गराउने कोशिश नगर्नुस्, लकडाउन खुलेपछि एक्सन लिइनेछ,’ वर्षा भन्छिन् ।

लकडाउनका बेला वर्षा घरमा पुस्तक पढ्ने र फिल्म हेर्ने गरिरहेकी छिन् । उनले मजदूरको सहयोगका लागि भन्दै हालै प्रधानमन्त्री राहत कोषमा रूपैयाँ एक लाख सहयोग गर्ने घोषणा गरेकी थिइन् ।