काठमाडौं- कोरोना भाइरस ‘ड्रपलेट्स’ (हाच्छ्युँ वा खोक्दा निस्किएका थुकका छिटाहरु) हावाको माध्यमद्वारा संक्रमित व्यक्तिबाट अर्को व्यक्तिमा फैलिन्छ ।

त्यसैले मानिसले खोक्दा वा हाच्छ्युँ गर्दा मुखमा हात राख्ने तथा मास्क लगाउने वा रुमालले छोप्ने सल्लाह दिने गरिन्छ ।

एक नयाँ रिसर्चका अनुसार भाइरस संक्रमित व्यक्तिको आसपासमा हुने, संक्रमित व्यक्तिको पछाडि हिँड्ने वा दौडिने मानिसमा सहजै सर्ने बताइएको छ ।

नेदरल्याण्डस्को एक टेक्नोलोजी युनिभर्सिटीका प्रोफेसर बर्ट ब्लोकन र फ्याबियो म्यालिजियाले सिम्युलेशन टेक्निकको माध्यमबाट यो भाइरसल कसरी संक्रमितबाट टाढा रहँदा पनि अन्य व्यक्तिहरुलाई ग्रस्त बनाईरहेको छ भन्ने बारेमा अनुसन्धान गरेका थिए ।

टेक्नोलोजिस्टका अनुसार कोरोना भाइरस संक्रमित व्यक्ति भन्दा ६ फिटको दुरीमा रहेका मानिसहरुमा यसले आफ्नो प्रकोप सहजै सार्न सक्छ ।

रिपोर्टमा कोरोना संक्रमित आसपासमा रहनु वा बस्नु र संक्रमित व्यक्तिको ६ फिट पछाडि वा त्यो भन्दा पनि धेरै दुरीमा रहेर दौडिने वा हिँड्ने मानिसहरुमा कोरोनाको प्रकोपको खतरा सहजै फैलिने रिसर्चबाट पत्ता लागेको छ ।

कोरोना भाइरसको ड्रपलेट्सले ६ फिटको दुरी राख्दा पनि आफ्नो प्रभाव दोश्रो व्यक्तिमा गरिरहेको हुने रिसर्चबाट पत्ता लागेको हो ।

संक्रमित व्यक्ति भन्दा पछि ६ फिटको दुरी कायम गरेर हिँड्दा वा दौडिनु भन्दा साथमै दौडिनु सुरक्षित रहेको टेक्नोलोजिस्टहरुको दाबी छ । तर त्यो भन्दा सुरक्षित भने धेरै लामो डिस्टेन्समा रहनु नै रहेको छ ।

‘न्यु इंग्ल्याण्ड जर्नल अफ मेडिसिन’मा प्रकाशित यस रिपोर्टमा वैज्ञानिकहरुले कोरोना भाइरस सरफेस बाहेक हावामा पनि घण्टौसम्म सक्रिय रहने दाबी गरेका थिए ।

शोधकर्ताहरुका अनुसार खोक्दा वा हाच्छ्यु गर्दा बाहिर निस्किएका छिटाहरुबाट बाहिर आएका ‘माइक्रोस्कोपिक ड्रपलेट्स’ करिव ३ घण्टासम्म हावामा सक्रिय रहन्छ ।

हावामा रहेका आधा भन्दा धेरै भाइरस पार्टिकल्स करिव ६६ मिनेटमा निष्क्रिय हुन्छ, साथै भाइरसका लगभग २५ प्रतिशत पार्टिकल्स १ घण्टासम्म एक्टिभ रहन्छ ।

कोरोना भाइरस तामाको भाँडाहरुमा जम्मा थोरै समयसम्म जीवित रहन्छ । ४६ मिनेटमा तामाका भाँडाहरुमा कोरोना भाइरसको आधा असर हराइसकेको हुनै रिसर्चरहरुको दाबी छ ।