काठमाडौं – जर्मनीले पनि  भिडियो कन्फ्रेसिङ एप ‘जूम’ प्रयोगमा प्रतिबन्ध लगाएको छ ।

जर्मनीको परराष्ट्र मन्त्रालयले आफ्ना कर्मचारीलाई ‘जूम’ प्रयोगमा प्रतिबन्ध लगाएको हो ।

कोरोनाभाइरसका कारण सामाजिक दूरी कायम गरिरहँदा पछिल्लो समय जूमको प्रयोग बढिरहँदा जर्मन सरकारले जूम प्रयोग नै नगर्न सूचित गरेको हो ।

सुरक्षासँग सम्बन्धि विषयलाई लिएर जूम विवादित बनिरहेको भन्दै उक्त एप प्रयोग नगर्न आग्रह गरिदै आएको छ ।

यसअघि अमेरिकाको माथिल्लो सदनले आफ्ना सदस्य र त्यहाँ कार्यरत कर्मचारीलाई जूम प्रयोग नगर्न आग्रह गरेको थियो ।

अमेरिकी सदनले जूम प्रयोगमा प्रतिबन्ध नै नलगाए पनि स्काइप लगायतका अन्य भिडियो कन्फ्रेन्सिङ एप प्रयोग गर्न आग्रह गरेको थियो ।

अहिलेसम्म ताइवान, अस्ट्रेलिया, स्पेस एक्स, न्युयोर्क स्टेट एरिया स्कूल तथा गुगलले जुमको प्रयोगमा प्रतिबन्ध लगाइसकेका छन्।