काठमाडौं – ओमनले विदेशी कामदारहरुलाई आफ्नै देशमा फर्काउने प्रकिया सुरू गरेको छ ।

कोरोनाभाइरसको संक्रमण फैलिनबाट रोक्नका लागि अहिलेसम्म गरिएका प्रयास पर्याप्त नभएको ठहर गर्दै ओमानको परराष्ट्र मन्त्रालयले विदेशी कामदारलाई आफ्नै देश फर्किनका लागि सहज वातावरण बनाउने तयारी सुरू गरेको हो ।

मन्त्रालयले प्रवासी कामदारको कुनै पनि अधिकार हनन् नहुने गरी स्वदेश फर्काउनेतर्फ प्रयास सुरु गरिएको जनाएको छ ।

कोरोना भाइरसको संक्रमण फैलन थालेपछि सबै उडान बन्द गरेर  कर्फ्यू लगाएको ओमानले बेरोजगार बनेका विदेशी कामदारलाई उनीहरुकै देशमा फर्काउन सहजिकरण गर्ने जनाएको हो ।

तर त्यसका लागि के/के गरिन्छ भन्नेबारे केही पनि खुलाइएको छैन । ओमानमा अहिलेसम्म कोरोना भाइरसले २ जनाको मृत्यु भएको छ भने ३७१ जना संक्रमित भएका छन् ।