काठमाडौं- कोरोना भाइरसको संक्रमण विश्वका १९८ देशमा पुगेको छ । विश्वभरी महामारीको रुपमा फैलिएको यो भाइरसले ३ नेपाली पनि संक्रमित छ । अन्य धेरै संक्रमणको आश‌ंकामा सेल्फ क्वारेन्टाइन तथा आइसोलेसनमा छन् ।

स्वास्थ्य तथा जनसंख्या मन्त्रालयका अनुसार ३ जना मध्य १ जना संक्रमणबाट मुक्त भएको र २ जनाको शुक्रराज ट्रपिकल तथा सरुवारोग अस्पताल टेकुमा उपचार भइरहेको छ ।

नेपालमा कोरोनाको संक्रमण देखिन थालेपछि सरकारले चैत्र ११ गते बिहान ६ बजेदेखि नेपाल ‘लकडाउन’को घोषणा गरेको छ । नेपाल ‘लकडाउन’को दोस्रो दिन बिहीबार पनि काठमाडौं उपत्यका सुनसान नै देखियो ।

घरबाहिर निस्केपछि नेपाल प्रहरीले सुझाइबुझाई गरी घर फिर्ता गरिरहेको देखिन्थ्यो भने कतिपय ठाउँहरुमा अटेर गर्नेलाई कारवाही गरेको पनि प्रहरीले जनाएको छ ।

काठमाडौंका मुख्यस्थानहरु रत्नपार्क, दरवारमार्ग, नयाँबानेश्वर, थापाथली, पशुपतिक्षेत्र सबै ठाँउमा चहलपहल प्राय: शुन्य जस्तै देखिएको छ ।

तस्वीरमा हेर्नुहोस् नेपाल ‘लकडाउन’को दोस्रोदिन काठमाडौं उपत्यका कस्तो रह्यो ?