काठमाडौं– सन् २०२० को ग्रीष्मकालीन ओलम्पिक स्थगित गरिएको छ ।

कोरोना भाइरस (कोभिड १९) संक्रमणको जोखिमलाई मध्यनजर गर्दै अन्तर्राष्ट्रिय ओलम्पिक कमिटीले जापानको टोकियोमा हुने तय भएको प्रतियोगिता स्थगित गरेको हो ।

आयोजक देश जापानका प्रधानमन्त्री सिन्जो आबेको प्रस्तावमा सहमति जनाउँदै अन्तर्राष्ट्रिय ओलम्पिक कमिटीले सन् २०२१ सम्मका लागि प्रतियोगिता स्थगित गर्ने निर्णय गरेको हो ।

यसअघि आगामी जुलाई महिनाको २४ तारिखदेखि प्रतियोगिता शुरु हुने गरी कार्यतालिका निर्धारण गरिएको थियो ।

क्यानडा र अस्ट्रेलियाले २०२१ मा गरे आफूहरुले सहभागीता जनाउने दुई दिन अगाडि सार्वजनिक गरेका थिए।

´मैले प्रतियोगिता १ वर्षका लागि सार्न गरेको प्रस्ताव आईओसीका अध्यक्ष बाच सहमत भएका छन्, ´ प्रधानमन्त्री आवेले भने,` यसले खेलाडीलाई राम्रो वातावरणमा खेल्न सहज हुनेछ।´

अब भने अर्को वर्षको ग्रीष्म ऋतुसम्मका लागि प्रतियोगिता सारिएको हो ।