विराटनगर– विराटनगर महानगरपालिका क्षेत्र मंगलबारदेखि लकडाउन हुने भएको छ । विराटनगर महानगरपालिकाले कोरोना भाइरसको संक्रमण रोक्न लकडाउनको निर्णय गरेको हो ।
महानगरपालिकाले सोमबार पत्रकार सम्मेलनको आयोजना गर्दै कोरोना भाइरसको संक्रमण रोक्न र नियन्त्रण गर्न अनिश्चिकालका लागि लकडाउनको घोषणा गरेको हो ।
महानगरपालिका प्रमुख भीम पराजुलीले कार्यपालिकाको बैठकबाट नगरक्षेत्र भित्र लकडाउन गर्ने निर्णय गरेको जानकारी दिए ।
उनले भने,‘कोरोनाको कारणले भोलिका दिनमा भयावह अबस्था नआओस् भनेर यो निर्णय गरिएको हो । सीमामा समेत लकडाउन भएको छ । हामीले सबै सरोकारवाला निकायलाई बोलाएर छलफल गरे अनुसार लकडाउन गरेका हौ ।’
प्रतिक्रिया