काठमाडौं– चर्को आलोचनापछि बुद्ध एयरले आन्तरिक हवाई भाडादर घटाएको छ ।

बुद्ध एयरले लामो दूरीका बस सेवा सूचारु नहुन्जेलसम्म यात्रुहरुलाई राहतस्वरुप हवाइ भाडादर घटाएको जानकारी दिएको छ ।

विषम परिस्थितमा नेपाली यात्रुहरुलाई थप सजिलो र राहतका लागि अधिकतम भाडादर आज (आइतबार)को मितिदेखि घटाइएको बुद्ध एयरले एक सूचना जारी गर्दै जानकारी दिएको छ ।

बुद्ध एयरका अनुसार यसअघि १४ हजार १ सय २५ रहेको काठमाडौँ-धनगढीको अधिकतम हवाई भाडादर घटाएर अहिले ७ हजार ९ सय कायम गरिएको छ ।

हाम्रो भनाई र नयाँ भाडादर
नेपाल सरकारले लामो दुरीको बसलाई सञ्चालनलाई केही दिनलाई रोक्न भनेको छ । यस अवस्थामा हवाईमार्ग मात्रै यात्राको पहिलो साधन बन्न पुगेको छ । यस विषम परिस्थितमा नेपाली यात्रुहरुलाई थप सजिलो र राहतका लागि अधिकतम भाडादर आजको मितिदेखि निम्नानुसार घटाइएको छ । pic.twitter.com/0oBNowd7cf

— Buddha Air (@AirBuddha) March 22, 2020