काठमाडौं– कोरोना भाइरसको त्रास बढेसँगै बजारमा सर्जिकल तथा सामान्य मास्कहरुको अभाव देखिएको छ ।

पहिला पहिला चोक–चोक र हरेक औषधि पसलमा सर्जिकल मास्क सजिलै पाइन्थ्यो तर आजभोली औषधि पसलको अगाडी मास्क छैन भनेर लेखिएको बोडहरु मात्र देखिन्छ । विश्व स्वास्थ्य संगठनले नेपाललाई कोरोना भाइरसको अति उच्च जोखिममा राखेको छ ।

मानिसहरुमा कोरोना भाइरसको संक्रमणको त्रास बढ्दै गर्दा केही व्यापारीहरुले भने त्यसको गलत फाइदा उठाउदै मास्कमागि पनि कालोबजारी गरिरहेका छन् ।

बजारमा मास्क अभाव भएसँगै मुल्य पनि निकै बढेको छ । यस्तो अवस्थामा मानिसहरुमा कोरोनाको त्रास झनै बढेको देखिन्छ । बजारमा मास्क अभाव हुँदैमा वा मुल्य बढी भएमा अब चिन्ता लिनु पर्दैन ।

संक्रामक रोगको जोखिमबाट बच्च अब आफैले घरमै पनि मास्क बनाउन सकिने जनस्वास्थ्य विज्ञ डाक्टर रविन्द्र पाण्डे बताउँछन् । डा पाण्डेका अनुसार मास्क र स्यानिटाइजर आफैले बनाउन सकिन्छ ।

आफैले कसरी बनाउने मास्क ?

–  राम्रो कटनको डबल लेयर मास्क घरमै सिलाउन सकिन्छ । मास्क बनाउँदा नाकको माथिल्लो भागमा लचक भएको प्लास्टिक राख्नुपर्छ । चारैतिरबाट हावा नछिर्ने गरि बनाउन सकिन्छ ।

– ह्याण्ड स्यानिटाइजर पनि घरमै बनाउन सकिन्छ । आइसोप्रोपाइल अल्कोहल वा इथानोल वा स्प्रिट र त्यो पनि नपाए ६५-९० प्रतिशत अल्कोहल युक्त कडा रक्सी ( रुसमा भोड्का पनि प्रोग गर्ने प्रचलन छ ।) मा एक तिहाइ घ्युकुमारीको गुदी मिसाउने ।

अनि ल्वांगको तेल वा लिभेंडर वा कागती थोरै मिसाएर तथा राम्रोसँग फिटेर साना साना बट्टामा राख्न सकिन्छ । त्यो मिश्रण ८ – १० थोपा हातमा राखेर प्रायो गर्न सकिन्छ ।