काठमाडौं – अभिनेत्री सनी रौनियारले ‘खुला आकाश’ बोलको गीत सार्वजनिक गरेकी छिन् । ‘प्रेमपिण्ड’ फेम्ड यी अभिनेत्रीले आइतबार ११० औँ अन्तर्राष्ट्रिय नारी दिवस अवसरमा सनीले महिला सशक्तिकरणको आवाज बोल्ने गीत बजारमा ल्याएकी हुन् ।

सार्वजनिक गीतमा सनीको पनि अभिनय छ । गीतले महिलाको पक्षमा बोल्छ ।

झन्डै २४ वर्ष पछाडि आफ्नै आवाजमा गीत बजारमा ल्याएकी सनीले समाजमा अझै पनि व्याप्त पुरुषप्रधान मानसिकत बीच महिलाको दृष्टिकोण र विचारहरु ल्याएको बताएकीछिन् ।

उनले २४ वर्ष अगाडि ‘सनी’ नामक गीती एल्बम दर्शकमाझ ल्याएकी थिइन् ।

यो गीतमा वरिष्ठ संगीतकार राजु सिंहले संगीत भरेका छन् भने विजय शिवाकोटीको शब्द रचना छ । भुषण दाहालले निर्देशन गरेको भिडियोमा जीवन रिजालको छायांकन र भरत रेग्मीको सम्पादन छ ।