लण्डन– एक बेलायती अभिनेत्रीले अबदेखि कुनै फिल्ममा पनि ‘न्यूड’ दृश्य नदिने बताएकी छिन् । उनले आफू दुई सन्तानकी आमा बनिसकेकाले अब कुनै फिल्ममा पनि कामुक दृश्य नदिने बताएकी हुन् ।

३४ वर्षीया बेलायती अभिनेत्रीले केइरा नाइट्लीले आफ्ना दुई सन्तानको आमा बनिसकेकाले यस्ता दृश्य नदिने घोषणा गरिन् ।

द टाइम्ससँगको अन्तर्वार्तामा उनले यसअघि आफ्नो उमेर कम हुँदा यस्ता दृश्य दिन कुनै किसिमको समस्या नरहेको बताएकी थिइन् । अहिले भने दुई सन्तानको मातृत्वका कारण आफ्नो शारिरीक बनावट नै परिवर्तन भइसकेकाले आफूले यस्ता दृश्य दिन नचाहेको बताएकी छिन् ।

उनले भनिन्, ‘मेरो शरीरलाई लिएर म खुशी नै छु । मेरो शरिरले गज्जबका कामहरु गरेको छ । तर अब म पूरै फ्लिमको क्रुको अगाडि नाङ्गै उभिन चाहन्न ।’

आजकल फ्लिममा सेक्स सेन्सहरु एकदमै प्राथमिकतामा पर्न थालेको समेत उनले भनिन् । उनले द एज अफ लभ र द डचेस लगायतका फ्लिममा नग्न सिन गरेकी थिइन् ।

उनी हाल मिसबिहेबियर नामक फ्लिमको प्रचारमा व्यस्त छिन् ।