सप्तरी – तीस वर्षीया एक महिलालाई बलात्कार गरेको कसूरमा सप्तरीको रूपनी गाउँपालिका–१ का ३८ वर्षीय देवेन्द्रकुमार यादवलाई सात वर्ष कैद सजायको फैसला भएको छ ।
सप्तरी जिल्ला अदालतका न्यायाधीश नन्दकिशोरप्रसाद यादवको इजलासले बिहिबार यादवलाई सात वर्ष कैद सजायको फैसला गरेको हो ।
यादव चैत ५ गतेदेखि पुर्पक्षका लागि राजविराज कारागारमा थुनामा थिए । बलात्कार गरी भाग्न खोज्दा पीडितले ढोका लगाई होहल्ला गरेपछि जम्मा भएका गाउँलेले अघिल्लो बर्षको फागुन ११ गते यादवलाई प्रहरीमा बुझाएको थिए ।
पीडितले आरोपितविरुद्ध जिल्ला प्रहरी कार्यालयमा २०७५ फागुन १२ गते उजुरी दिएकी थिइन् ।
प्रतिक्रिया