काठमाडौं – सविन श्रेष्ठ र रेखा थापालाई एक्सन अवतारमा उतार्दै फिल्म ‘हिरो रिटर्न्स’ को ट्रेलर सार्वजनिक गरिएको छ । राजधानीमा एक कार्यक्रमको आयोजना गरी फिल्मको ट्रेलर सार्वजनिक गरियो ।

यो फिल्ममा प्रेमकथाका साथै एक्सन पनि देख्न सकिन्छ । ट्रेलरमा रेखा थापा र सविन श्रेष्ठलाई प्रेमका साथै एक्सन भूमिकामा पनि देखाइएको छ ।

लामो समयदेखि रिलिज हुन नसकेको यो फिल्मलाई आशिष भेटवालले निर्देशन गरेका हुन् । यस्तै फिल्ममा दिल श्रेष्ठको पनि शीर्ष भूमिका छ ।

ध्रुवतारा फिल्मस र ओम शिव फिल्मसको प्रस्तुतिमा निर्माण भएको यो फिल्मलाई भीम न्यौपाने र धु्रव न्यौपानेले निर्माण गरेका हुन् ।

यो फिल्म वैशाख २६ गतेदेखि प्रदर्शनमा आउने भनिएको छ । फिल्ममा शिवम् अधिकारीको कथा, पटकथा र संवादका साथ मदन कश्यप न्यौपानेको छायांकन र मित्र डी गुरुङको सम्पादन रहेको छ ।