काठमाडौं – प्रदीप खड्का र जसिता गुरुङको जोडी रहेको फिल्म ‘लभ स्टेशन’ युट्युबको नम्बर एक ट्रेन्डिङमा पुगेको छ । प्रायः दक्षिण भारतीय फिल्मले नेपालको युट्युब ट्रेन्डिङमा पकड जमाउने गर्छन् ।

प्रदीपको ‘लभ स्टेशन’ रिलिजको ४ दिनमा युट्युबको नम्बर एक ट्रेन्डिङमा पुगेको हो । फिल्मले बक्स अफिसमा औसत व्यापार गरेको थियो । चोरीको आरोप लागेपछि फिल्मले खासै चित्तबुझ्दो व्यापार गर्न सकेको थिएन ।

फिल्ममा प्रदीप खड्का र जसिता गुरुङको जोडी रहेको छ भने रमेश बुढाथोकी, सिरु विष्ट, रवि डंगोल, प्रिया रिजाल, प्रकाश शाह, कालु राना लगायतका कलाकारको समेत अभिनय रहेको छ ।

सुभ सिंह बस्न्यातले लेखेको यो फिल्मलाई गोविन्द शाही, क्रिसु शाही र कवीरविक्रम शाहीले निर्माण गरेका हुन् ।

फिल्मलाई उज्ज्वल घिमिरेले निर्देशन गरेका हुन् ।