काठमाडौं- नेपाल कम्युनिस्ट पार्टी जिल्ला कमिटी जुम्लाले नेकपा अध्यक्ष पुष्पकमल दाहाल ‘प्रचण्ड’माथि भएको निन्दनीय कार्यको भर्त्सना गर्दै संलग्न व्यक्तिलाई कारबाहीको माग गरेको छ ।

जिल्ला कमिटी जुम्लाले विज्ञप्ति जारी गर्दै काठमाडौंको राष्ट्रियसभागृहमा भएको कार्यक्रममा अध्यक्ष प्रचण्डमाथि निन्दनीय कार्य गर्ने रतन तिरुवालाई कारबाहीको माग गरेको हो ।

तिरुवा नेकपाको समर्थक नभइ विप्लव नेकपाको गतिविधिमा संलग्न रहेको समेत विज्ञप्तिमा जनाइएको छ ।

नेकपा जुम्ला जिल्ला अध्यक्ष विर बहादु कुवरले विज्ञप्ति जारी गर्दै भनेका छन्, ‘उनी जुम्लामा पनि पटक–पटक अराजनीतिक कार्यमा संलग्न रहेको र नेपाल प्रहरीको पनि खोजीमा रहेको व्यक्ति हो । सार्वजनिक स्थलमा घृणित कार्य गर्ने रतन तिरुवा भन्ने व्यक्तिलाई कानून बमोजिम कडाभन्दा कडा कारबाहीको माग गर्दछु ।’