नाइजेरियन सिपाहीले चार सहकर्मीको हत्या गरी आत्महत्या गरे

१५ फाल्गुन २०७६, बिहिबार

पढ्न लाग्ने समय : < 1 मिनेट

प्रतिकात्मक तस्वीर

लेगोस- नाइजेरियाली सेनाका एक जना सिपाहीले बुधबार आफ्नै चार जना सहकर्मीको हत्या गरी आफूले आत्महत्या गरेका छन् ।

नाइजेरियाली सेनाले जारी गरेको विज्ञप्तिमा हिंसाग्रस्त बोर्नो प्रान्तमा सेवारत उनले चलाएको बन्दुकबाट अरु दुई जना घाइते भएको उल्लेख छ ।

सैनिक प्रवक्ता सागिर मुसाले घाइतेहरुको बोर्नोको राजधानी माइदीगुरी सैनिक अस्पतालमा उपचार भइरहेको र उनीहरुको अवस्थामा सामान्य रहेको बताए ।

घटनाका बारेमा सेनाले छानबिन शुरु गरेको पनि प्रवक्ता मुसाले बताए ।

प्रकाशित मिति : १५ फाल्गुन २०७६, बिहिबार १ : ३२ बजे

प्रतिक्रिया