काठमाडौं – अखिल नेपाल फुटबल संघ (एन्फा) ले सरस्वती युवा क्लबका कप्तान दिपेश श्रेष्ठलाई दुई वर्षको प्रतिबन्ध लगाएको छ ।

उनीहरुमाथि फिक्सिङमा संलग्न भएका कारण कारवाही गरिएको स्रोतको दाबी छ ।

सहिद स्मारक ‘ए’ डिभिजन लिग नियमावली विपरित कार्य गरेको भन्दै उनीमाथि एन्फाको अनुशासन समितीले २ वर्षको प्रतिबन्ध लगाएको हो ।

दिपेशले लिगको ५९ औं खेल अन्तर्गत हिमालयन शेर्पा क्लबविरुद्धको खेलमा प्रतियोगिता नियमावलीको दफा २१(७) विपरित कार्य गरेको विज्ञप्तिमा उल्लेख गरेको छ ।

यस्तै, अनुशासन समितिले २ बर्षको प्रतिबन्धसहित ५० हजार जरिवाना समेत गरेको छ ।

एन्फाले दिपेशको नाममा पत्र लेख्दै प्रतिबन्ध र जरिवानाबारे जानकारी समेत गराएको छ ।

उक्त खेलमै नियमावली विपरित गरेको भन्दै एन्फाले हिमालयउन शेर्पाका टीम व्यवस्थापक तथा गोलकिपर प्रशिक्षकलाई समेत कारबाही गरेको छ ।

एन्फाको अनुशासन समितीले हिमालयन शेर्पाका टिम व्यवस्थापकले नियमावलि विपरित कार्य गरेको भन्दै दफा २१(७) अन्तरगत रहेर ३० हजार जरिवाना गरेको छ भने शेर्पाकै गोलकिपर प्रशिक्षकलाई भने कडा चेतावनी दिएको छ ।