काठमाडौं– बंगलादेशमा हुने टी–ट्वान्टी खेलका लागि एसिया–११ को टिममा नेपालका सन्दीप लामिछानेले स्थान बनाएका छन् ।

वर्ल्ड–११ क्रिकेट टोलीसँग ढाँकामा मार्च १८ र २१ मा हुने खेलका लागि बंगलादेश क्रिकेट बोर्डले एसिया ११ को घोषणा गरेको हो ।
बंगलादेश क्रिकेट बोर्डले १४ सदस्यीय टोलीको नामको नामावलि सार्वजनिक गरेको हो ।

उक्त १४ जनाको सुचिमा नेपालका लेग स्पीनर सन्दीप लामिछानेले स्थान बनाएका हुन् । उक्त टोलीमा भारतका कप्तान विारट कोहलीसमेत रहेका छन् ।

एसिया ११ मा भारतबाट ६ जना खेलाडी रहेका छन् भने बाँकी ८ जना अन्य देशबाट रहेका छन् ।

टोलीमा सन्दीपसंगै विराट कोहली, केएल राहुल, रिसब पन्त, कुलदिप यादब, शिखर धवन, तामिम इकबाल, लिण्टन दास, मुस्फिकर रहमान छन् । यस्तै, तिसरा फरेरा, राशिद खान, मुस्ताफिजुर रहमान, लासित मालिंगा, मोहमद शामी र मुजिब उर रहमान छन् ।

भारतका कप्तान कोहली र केएल राहुलले दूई खेल मध्य मात्र एक खेल खेल्ने छन् ।

विश्व ११ को टोली

एलेक्स हल्स, क्रिस गेल, फाफ डु प्लेसिस, निकोलास पुरान, रोस लेलर, जोनी बेरिस्टो, किरन पोलार्ड, अदिल राशिद, सेल्डोन कोट्लर, लुङ्गी निग्डी, आन्द्यु टाइ, मिचेल म्याकक्लिनगान