ललितपुर– नेपाल विद्युत् प्राधिकरणले ललितपुरको पुल्चोक वितरण केन्द्रको पाटन–फर्पिङ फिडरबाट वितरित ११ केभी लाइन स्तरोन्नती (अपग्रेडिङ) गर्नेभएपछि ललितपुरका केही क्षेत्रमा पाँच दिनसम्म विद्युत सेवा अवरुद्ध हुने भएको छ ।

ललितपुरको फर्सीडोल, डुकुछाप, दनुवारवस्ती, जोर्खु, घुसेल, खोलाखेतलगायत क्षेत्रमा ५ दिन विद्युत सेवा प्रभावित हुने प्राधिकरणले जनाएको हो ।

प्राधिकणका अनुसासार १३ ,१५ ,१७, १९ र २० गते बिहान १० बजेबाट साँझ ६ बजेसम्म बिद्युत सेवा प्रभावित हुनेछ । उक्त फिडरबाट बिजुली लिएका ग्राहकलाई पर्न जाने असुविधाप्रति प्राधिकरणले क्षमा याचना गरेको छ।

निर्धारित समय अगावै सम्पन्न भएमा उक्त समयभन्दा अगावै विद्युत सेवा सुचारू हुने प्राधिकरणले जनाएको छ ।