काठमाडौं- फिल्ड मार्शल स्याम मानिक्शाको एउटा चर्चित भनाई छ “ यदि कसैले मर्नदेखि डराउदिन भन्छ भने कि त उसले झुट बोलेको हुनुपर्छ कि त उ गोर्खाली हुनुपर्छ ।” गोर्खालीहरू आफ्नो साहस र हिम्मतको लागि विख्यात छन् । हाम्रो देश पुर्खाको विरताले आर्जेको देश हो । यस्तै भावना बोकेको गीत ‘गोर्खे’ सार्वजनिक भएको छ ।

अमेरिकामा बसेर नेपाली गीत संगीतमा निरन्तर क्रियाशील राष्ट्रप्रेमी युवा पुस्ताका सर्जक कलाकारहरुले यही कुरालाई मनन गर्दै  “गोर्खे” बोलको म्युजिक भिडियो सार्वजनिक गरेका हुन् ।

गीतमा नेपाल आमाका हरेक राष्ट्र प्रेमी नेपालीहरुले राष्ट्रका लागि सोच्नु र गर्नुपर्नेबेला आएको भन्ने भाव झल्काइएको छ । गीतको म्यूजिक भिडियोमा अहिलेको अवाश्यकता भनेको राष्ट्रियता भएको जनाइएको छ ।

गीतमा गायक किरण गजमेरको श्वर रहेको छ । गीतका शब्द नारायण ढुङ्गाना र प्रलाद ढुङ्गानाले मिलेर लेखेका हुन् भने गीतमा संगीत रुपेश डग्नाको रहेको छ। गोपाल रसाइलीले गीतको संगीत संयोजन गरेका हुन् ।

म्युजिक भिडियोमा विभिन्न कलाकारहरुले अभिनय गरेका छन् । बुद्ध थापाले छायांकन गरेको भिडियोलाई विकाश धमलाले सम्पादन गरेका हुन । लक्ष्मी बर्देवा सह निर्देशक रहेको यस भिडियोलाई चर्चित युवा निर्देशक निकेश खड्काले निर्देशन गरेका हुन । हरि घिमिरेको लगानीमा भिडियो निर्माण भएको हो ।