कञ्चनपुर- सञ्चार तथा सूचना प्रविधिमन्त्री गोकुल प्रसाद बाँस्कोटालाई १३ किलोको माला लगाएर स्वागत गरिएको छ ।

मन्त्री बाँस्कोटालाई कञ्चनपुरको भीमदत्तनगरमा बुधबारदेखि शुरु भएको १३ औँ सुदूरपश्चिम प्रदेशस्तरीय औद्योगिक व्यापार मेला तथा कञ्चनपुर पर्यटन महोत्सवमा १३ किलोको मालाले स्वागत गरिएको हो ।

बुधबारको कार्यक्रममा मन्त्री बाँस्कोटाको स्वागत गरिएपनि यो तस्वीर भने आज सामाजिक सञ्जालमा छाएको छ ।

मन्त्री बाँस्कोटाको सेक्युरिटी प्रिन्टिङ प्रेसमा भएको अनियमितताको अडियो सार्वजनिक भएपछि यो तस्वीर एकाएक सामाजिक सञ्जालमा छाएको हो ।

कञ्चनपुर उद्योग बाणिज्य संघका पदाधीकारीले १३ किलोको माला लगाएर मन्त्रीलाई स्वागत गरेको तस्वीर राससका शेरबहादुर सिंहले खिचेका हुन् ।